СБУ прыйшла з ператрусам да кіраўніка Кіева-Пячэрскай лаўры
Служба бяспекі Украіны зладзіла ператрус па месцы жыхарства кіраўніка Кіева-Пячэрскай лаўры мітрапаліта Украінскай праваслаўнай царквы Маскоўскага патрыярхата Паўла.
Як паведамляе тэлеканал «24», ператрусы праходзяць у рамках справы аб распальванні міжканфесійнай варожасці. Справа заведзена па артыкуле аб парушэнні раўнапраўя грамадзян у залежнасці ад іх расавай, нацыянальнай прыналежнасці або адносіны да рэлігіі, паведамляе «Інтэрфакс-Украіна» са спасылкай на СБУ.
Паводле інфармацыі тэлеканала «24», абшукваюць кватэру мітрапаліта.