У Светлагорску з балкона шостага паверха ўпаў чатырохгадовы хлопчык. Ён памёр у бальніцы
Здарэнне адбылося ўвечары 3 снежня. Хлопчыка, які ляжаў на зямлі, заўважылі прахожыя і выклікалі міліцыю ды хуткую дапамогу, паведамляюць Светлагорскія навіны.
Па папярэдніх дадзеных, хлопчыка пакінулі пад наглядам сваякоў. Калі цётка адлучылася, дзіця адчыніла дзверы, выйшла на балкон і звалілася.
Хлопчык быў шпіталізаваны ў цяжкім стане, ён памёр у бальніцы.