Судан выдзеліць Беларусі яшчэ адзін участак для здабычы золата
Судан мае намер у найбліжэйшы час выдзеліць Беларусі другі ўчастак для здабычы золата, які знаходзіцца недалёка ад ракі Ніл, паведамляе БелТА.
Участак знаходзіцца бліжэй да ракі Ніл, і, паводле папярэдняй інфармацыі, асабліва з улікам блізкасці водных запасаў, тут мэтазгодная распрацоўка золата. Суданскі бок паабяцаў выдзеліць гэты ўчастак літаральна ў найбліжэйшы час.
У выпадку прыняцця станоўчага рашэння суданскім бокам геолага-разведачныя работы будуць адначасова весціся і на першым участку. Цяпер у Судане зарэгістравана адпаведнае беларускае прадпрыемства.