«Валіце адсюль!» На форуме ў Літве расійскіх журналістаў аблілі віном і выгналі з мерапрыемства ВІДЭА
У Вільні супрацоўнікаў расійскага выдання «Известия» выгналі з выставы Форуму свабоднай Расіі.
Пакінуць мерапрыемства ад іх запатрабавалі галоўны рэдактар крымскататарскага тэлеканала ATR Айдэр Муждабаеў і грамадскі актывіст Эрфан Кудусаў.
«Марш адсюль! Валіце адсюль. Я праз вас выехаў з Крыма. З-за вас татары пакутуюць», — заявіў Кудусаў.
Па словах журналіста Аркадзя Бабчанкі, журналістаў «Известий» таксама аблілі віном са словамі «вы ўсе ў крыві».