Мужчына зварыў 4000 літраў брагі і 115 літраў самагону «на вяселле сыну»
У Белавежскай пушчы паблізу адной з мясцовых вёсак міліцыянеры канфіскавалі 115 літраў самагонкі і крыху больш за 4000 літраў брагі, паведамляе УУС Гродзенскага аблвыканкама.
На гаспадара гэтых вадкасцяў складзены адміністрацыйны пратакол. Яму пагражае штраф да пяці базавых велічынь з канфіскацыяй напояў, паўфабрыкатаў і апаратаў.
Як патлумачыў мужчына, самагон ён гнаў на вяселле сыну. З улікам маштабаў, шчырасць яго слоў выклікае сумневы.