У ЗША памёр найстарэйшы ў краіне ветэран Другой сусветнай. Ён пражыў 112 гадоў
Wikimedia
У ЗША ва ўзросце 112 гадоў памёр Рычард Овертан - найстарэйшы чалавек краіны і самы пажылы ў Злучаных Штатах ветэран Другой сусветнай вайны. Пра гэта паведамляе CNN.
Незадоўга да смерці ён быў шпіталізаваны з пнеўманіяй. У маі 2019 яму павінна было споўніцца 113 гадоў.
Овертан у вайну служыў на Ціхім акіяне.
У горадзе Осцін, у Тэхасе, дзе ён жыў, у яго гонар названа адна з вуліц. У 2015 годзе пра ветэрана быў зняты дакументальны фільм.