У Баранавічах прапаршчыка за збіццё салдат прысудзілі да 3 гадоў калоніі
Суд сёння ў выязным пасяджэнні разгледзеў крымінальную справу па абвінавачванні прапаршчыка ў гвалце над вайскоўцамі.
Мужчына быў старшыной роты матэрыяльна-тэхнічнага забеспячэння радыётэхнічнай брыгады Вайскова-паветраных сілаў і войскаў супрацьпаветранай абароны. Ён збіў двух салдат.
Аднаму радавому былі нанесены лёгкія цялесныя пашкоджанні і траўмы, другому — пабоі. Прапаршчык быў п'яным.
Мужчыну прысудзілі да трох гадоў пазбаўлення волі ў папраўчай калоніі агульнага рэжыму і штрафу 2450 рублёў.