Украінская армія атрымае мазырскае арктычнае паліва
Міністэрства абароны Украіны 4 студзеня вызначыла пераможцу тэндара на пастаўку 15 588 тон дызельнага паліва арктычнай маркі. Пра гэта сведчаць вынікі аўкцыёнаў, апублікаваныя ў сістэме ProZorro, піша enkorr.com.ua.
Згодна з пашпартамі якасці, прадстаўленымі пераможцам таргоў, вайсковаму ведамству будзе пастаўляцца арктычнае дызельнае паліва вытворчасці Мазырскага НПЗ і Крамянчугскага НПЗ. Тэрмін пастаўкі рэсурсу — 60 дзён з дня падпісання кантракта.