Нямецкая правая партыя AfD раскалолася
Былы лідэр нямецкай ультраправай партыі AfD ва ўсходняй зямлі Саксонія-Анхальт Андрэ Погенбург заявіў у чацвер, што ён пакіне партыю і сфарміруе новую палітычную сілу пад назвай «Абуджэнне нямецкіх патрыётаў — Цэнтральная Нямеччына». Пра гэта піша Die Welt.
У новай партыі Погенбург будзе працаваць разам з іншымі расчараванымі членамі AfD. Погенбург ў сакавіку сышоў у адстаўку з кіруючай пасады партыі ў Саксоніі-Анхальт пасля шэрагу скандалаў.
У прыватнасці, ён назваў людзей турэцкага паходжання ў Германіі «пагоншчыкамі вярблюдаў».
Погенбург заявіў, што партыя ў апошні час зрабіла прыкметны «левы» паварот, баючыся патрапіць пад нагляд спецслужбаў.