Кіроўца BMX X6 уцёк у Мінску ад ДАІ. Яго затрымалі толькі ў Жыткавічах — за 230 км!
У Жыткавічах затрымалі бяспраўніка, якога супрацоўнікі ДАІ пераследвалі ў Мінску, піша БелТА
Супрацоўнікі сталічнай Дзяржаўтаінспекцыі 23 студзеня ў раёне 6.00 пераследвалі аўтамабіль BMW Х6. Машына рухалася з выключанымі фарамі, праехала на чырвонае святло. Кіроўца не падпарадкаваўся законным патрабаванням аб спыненні, перавышаў хуткасць, ствараючы пагрозу дарожнай бяспекі, а таксама жыцця і здароўю грамадзян.
«Супрацоўнікі нанеслі пашкоджанні транспартнаму сродку для яго прымусовага спынення, аднак кіроўцу ўдалося схавацца. Зараз мужчына знаходзіцца ў цэнтры ізаляцыі правапарушальнікаў ГУУС Мінгарвыканкама — ён быў затрыманы па інфармацыі сталічнай Дзяржаўтаінспекцыі ў Жыткавічах калегамі з Гомельскай вобласці. Пазней яго перадалі супрацоўнікам мінскай міліцыі.
У дачыненні да парушальніка складзена 11 пратаколаў аб адміністрацыйных правапарушэннях.