Гэта музыка будзе вечнай
Па справе выбуху 4 ліпеня будуць дапытаныя «яшчэ тысячы людзей», сказаў намеснік міністра ўнутраных спраў Куляшоў.
Наконт справы аб выбуху ў Менску 4 ліпеня будуць дапытаныя «яшчэ тысячы» грамадзян, заявіў першы намеснік міністра ўнутраных спраў Анатоль Куляшоў, адказваючы 19 снежня на пытанні дэпутатаў палаты прадстаўнікоў.
«Мы ўжо выклікалі тысячы і яшчэ будзем выклікаць не адну тысячу», ‑ паведаміў ён.
Куляшоў падкрэсліў, што грамадзяне Беларусі будуць выклікацца для апытання па справе выбуху да таго часу, пакуль «не будзе раскрыта гэта вельмі цяжкае злачынства».