Расія зноў стала лідарам па колькасці запытаў улад да Google
У першым паўгоддзі 2018 года ад расійскіх дзяржаўных органаў да Google паступіла 19 192 запыты на выдаленне кантэнту. Усяго ад дзяржаўных органаў у свеце за гэты перыяд Google атрымала 25 534 запыты на выдаленне кантэнту. Такім чынам, на Расію прыпадала 75% ад усіх сусветных запытаў.
Пераважная колькасць запытаў у Расіі — больш за 11 тысяч, або 57%, — датычылася «тавараў і паслуг, якія падпадаюць пад дзеянне спецыяльных законаў». Прадстаўнік Google ад каментароў адмовіўся.