У Швецыі затрымалі яшчэ аднаго расійскага шпіёна
Паліцыя бяспекі Швецыі пры падтрымцы звычайнай паліцыі ў сераду затрымала другога падазраванага ў працы на расійскую выведку, паведамляе SVT.
«Яго затрымалі і зараз дапытваюць», — паведаміў прэс-сакратар Паліцыі бяспекі Габрыэль Вернстэдт.
Паліцыя бяспекі сцвярджае, што затрыманне не звязана з іншай справай, калі падазраванага затрымалі ў час размовы з агентам расійскай разведкі.
Паводле шведскіх СМІ, другі падазраваны ажыццяўляў незаконную дзейнасць з 10 красавіка па 30 верасня 2018 года.