Літва абяцае кожнаму жыхару 1000 еўра за адмову ад старога аўто
Міністр навакольнага асяроддзя Літвы паведаміў, што пасля зацвярджэння плана скарачэння забруджвальных выкідаў жыхарам за адмову ад старога аўтамабіля можна будзе выплачваць 1000 еўра ў рамках заахвочвання куплі новага аўто, паведамляе Delfi.
«Трэба дапамагчы людзям адмовіцца, і мы лічым, што гэтая матывуючая лічба павінна быць каля тысячы еўра, пры адмове ад старога аўтамабіля і куплі новага», — сказаў міністр Кястуціс Мажэйка.
У разгледжаных кабінетам міністраў Літвы ў сераду мерапрыемствах па скарачэнні забруджвальных выкідаў на такое фінансавае заахвочванне прадугледжана вылучыць з дзяржбюджэту 30 млн еўра.
Жыхары, якія адмовіліся ад забруджвальных аўтамабіляў, таксама змогуць атрымаць ільготы на грамадскі транспарт.