Самы багаты чалавек Еўропы дае на аднаўленне Нотр-Дама 200 мільёнаў еўра
Фота з Вікіпедыі
Французскі мільярдэр Бернар Арно даў на аднаўленне пашкоджанага пажарам Нотр-Дама 200 мільёнаў еўра, паведамляе Associated Press.
Бернар Арно — прэзідэнт групы кампаній Louis Vuitton Moët Hennessy. Адзін з найбагацейшых людзей планеты. У красавіку 2018 г. прызнаны самым багатым чалавекам Еўропы, ён валодае 81 млрд еўра, у агульнасусветным рэйтынгу займае пятую пазіцыю паводле Bloomberg Billionaires Index.
Раней стала вядома, што 100 мільёнаў еўра ахвяруе на аднаўленне Нотр-Дама іншы мільярдэр — Франсуа-Анры Піно.