Афіцыйны візіт Лукашэнкі ў Турцыю працягнуўся менш за 9 гадзін
Аляксандр Лукашэнка завяршыў афіцыйны візіт у Турцыю. Самалёт кіраўніка дзяржавы вылецеў з Міжнароднага аэрапорта Анкары, перадае БелТА.
Аляксандр Лукашэнка правёў сёння ў Анкары перамовы з прэзідэнтам Турцыі Рэджэпам Таіпам Эрдаганам. Кіраўнікі дзяржаў правялі перамовы ў Белым палацы — афіцыйнай рэзідэнцыі прэзідэнта Турцыі. Сустрэча прайшла ў вузкім фармаце, затым да прэзідэнта далучыліся члены прадстаўнічых дэлегацый.
Візіт аказаўся кароткі. Аб прылёце самалёта Лукашэнкі ў Анкару БелТА паведаміла ў 11.46. А ў 20.04 стала вядома, што самалёт кіраўніка Беларусі вылецеў з Анкары.
Адметна, што ў вечаровым эфіры «Панарамы» пра хуткі ад'езд Лукашэнкі нават не паведамілі. Толькі згадалі, што ў абед ён засяліўся ў гатэль.