На «Нафтан» пачала паступаць «чыстая» нафта
У ААТ «Нафтан» пачалася прапампоўка нафты, «якая адпавядае тэхналагічным стандартам», па паўночнай галіне нафтаправода (Сургут-Полацк), паведамляе БелТА.
«Аб'ём прапампоўкі забяспечвае работу вытворчых магутнасцяў на зніжанай загрузцы», — паведамілі ў канцэрне.
Нафта прызначана для перапрацоўкі на «Нафтане».
На Мазырскім НПЗ сітуацыя застаецца ранейшай.
«Якасць нафты на гэты момант не палепшылася», — праінфармавалі ў «Белнафтахіме».