Праз 13 год пасля адкрыцця Нацыянальнай бібліятэкі ў ёй нарэшце ўсталявалі ўнітазы ФОТА
Замежныя госці дзівіліся на падлогавыя ўнітазы, таму нарэшце, праз 13 год працы бібліятэкі, было вырашана зрабіць рамонт.
Пра гэта «Нашай Ніве» расказаў загадчык гаспадарчай часткі бібліятэкі Леанід Крыўцоў.
«Жыццё не стаіць на месцы, усё змяняецца. І ў пэўны момант за нашы прыбіральні стала сорамна.
Атрымалі фінансаванне, пачалі рамонт. Зараз зрабілі рамонт у дзвюх прыбіральнях, закупілі сантэхніку яшчэ для чатырох. Паступова, канечне, абновім прыбіральні ва ўсёй бібліятэцы», — расказаў Леанід Крыўцоў.
Разам з новымі ўнітазамі ва ўсіх прыбіральнях з'явіцца і туалетная папера. Раней яе ў кабінках не было, толькі каля рукамыйніка.