Падчас адкрыцця Еўрапейскіх гульняў з каната сарвалася гімнастка ВІДЭА
На кадрах бачна, што спартоўка сарвалася разам з канатам. Яе партнёр працягнуў выступ.
Аператар вельмі хутка змяніў ракурс, таму немагчыма было ацаніць, наколькі сур'ёзныя траўмы атрымала дзяўчына.
У прэс-службе Еўрапейскіх гульняў «Нашай Ніве» пацвердзілі, што гімнастка атрымала траўму, але адмовіліся распавесці пра стан дзяўчыны. Артыстку адвезлі ў РНПЦ траўматалогіі і артапедыі, але не шпіталізавалі, цяпер яна знаходзіцца дома.