Прызначаны новы рэктар універсітэта «МІТСА». Папярэдні не адпрацаваў і году
mitso.by
Загадам Міністэрства адукацыі і распараджэннем Федэрацыі прафсаюзаў Беларусі рэктарам Міжнароднага ўніверсітэта «МІПСА» прызначаны Уладзімір Уладзіміравіч Лосеў, паведамляецца на сайце ВНУ
Калектыву ўніверсітэта новага рэктара прадставілі першы намеснік міністра адукацыі Ірына Старавойтава і сакратар ФПБ па міжнароднай працы Ганна Варфаламеева.
«Я вельмі спадзяюся на новыя добрыя вынікі, на стабільнасць і спакой у калектыве, а таксама эфектыўную сумесную працу. У добры шлях і ўсяго добрага, Уладзімір Уладзіміравіч», - сказала Ірына Старавойтава.
Раней Уладзімір Лосеў займаў пасаду прарэктара па навуковай рабоце
Цікава, што папярэдні рэктар Вадзім Пазьняк не прапрацаваў і года. Ён быў прызначаны рэктарам 29 жніўня 2018 года.
Перад прызначэннем у МІТСА ён працаваў у Акадэміі кіравання, а туды прыйшоў з Генпракуратуры, быў старшым пракурорам аддзела па нагляду за выкананнем заканадаўства аб непаўналетніх і моладзі.
У бытнасць працы пракурорам Вадзім Пазняк запляміў сябе судом над Паўлам Севярынцам і Міколам Статкевічам, якіх судзілі за шэсце па праспекце пасля рэфэрэндуму 2004 года. Ён прасіў асудзіць апазіцыянераў на 3 гады «хіміі», суддзя задаволіў такое прашэнне.