Хлопец прыйшоў у госці да дзяўчыны з наркотыкам. Яе бацькі своечасова паднялі трывогу
Непаўналетняя мінчанка ў адсутнасць дома бацькоў паклікала гасцей, адзін з якіх прынёс гашыш, паведамляе міліцыя.
У міліцыю звярнуліся бацькі непаўналетняй. Яны распавялі, што, пакуль іх не было, дачка запрасіла дадому некалькі чалавек, прычым госці, імаверна, знаходзяцца пад уздзеяннем наркотыкаў. Гэтую здагадку праверылі: у аднаго з гасцей — 26-гадовага мінчука — знайшлі каля 5 г гашышу. Затым ужо па месцы жыхарства маладога чалавека выявілі схаваныя 62 г аналагічнага наркотыку. Таксама ў кватэры знайшлі электронныя вагі і прыстасаванне для курэння.