Сёння ў сталіцы слупок тэрмометра апусціўся да —20
Гэта тэмпературны мінімум для Мінска гэтай зімой.
Гэта тэмпературны мінімум для Мінска гэтай зімой.
Пакуль найхаладней было ў ноч на 7 студзеня, «усяго толькі» мінус 18.
Паводле прагнозаў сіноптыкаў, маразы маюць пратрымацца да сярэдзіны тыдня. Ад серады на Берасцейшчыне і Гомельшчыне і ад чацвярга ў цэнтры краіны пачнецца адліга з плюсавымі тэмпературамі і дажджамі. Толькі на паўночным усходзе краіны да канца тыдня захаваецца няўстойлівае надвор'е з перавагай марозцаў.
Канец тыдня будзе небяспечным на абледзянелых дарогах поўначы краіны.