Навальны падаў заяву аб атручэнні
Расійскі апазіцыянер Аляксей Навальны напісаў у Следчы камітэт Расіі заяву аб сваім атручэнні. Пра гэта ў чацвер, 1 жніўня, паведаміў у Twitter яго адвакат Вадзім Кобзеў.
Навальны са сваім адвакатам папрасілі следства прызначыць хіміка-таксікалагічную судовую экспертызу і запатрабаваць відэа з камер назірання ў спецпрыёмніку.
28 ліпеня Навальнага шпіталізавалі з дыягназам «вострая алергічная рэакцыя». У яго моцна зацяклі твар і пачырванела скура. У яго раней ніколі не было алергіі.
Пазней стала вядома, што хіміка-таксікалагічнае даследаванне не знайшло ў біяматэрыялах Навальнага атрутных рэчываў.