ЗША паскорылі распрацоўку новых няядзерных ракет
ЗША працуюць над мабільнымі сістэмамі для няядзерных крылатых ракет і балістычных ракет.
Пра гэта заявіў міністр абароны ЗША Марк Эспер, паведамляюць інфармагенцтвы.
Пасля скасавання Дамовы аб ліквідацыі ракет сярэдняй і малой далёкасці (ДРСМД) Вашынгтон паскарае распрацоўку новых ракетных комплексаў.
Злучаныя Штаты ўжо пачалі працу над «мабільнымі няядзернымі крылатымі і балістычнымі ракетнымі комплексамі», - сказаў Эспер.
Новая ракетная праграма знаходзіцца на «ранняй стадыі».