У Маладзечне муж-замежнік ганяўся за жонкай з нажом
Маладзечанцы ўбачылі, як хлопец з нажом ганяецца за дзяўчынай па горадзе, і паведамілі ў міліцыю.
Фігурантам вулічнага скандалу стаў 28-гадовы грамадзянін Турцыі. Як аказалася, мужчына прыехаў да жонкі, 24-гадовай мясцовай жыхаркі, для прымірэння.
Раз'юшаны хлопец напаў на дзяўчыну і ўдарыў па твары. Раскідаўшы па тратуары рэчы з сумачкі, ён нажом парэзаў асабістыя рэчы і дакументы.
Акрамя маёмасці значна пацярпеў і пашпарт беларускі.
Завялі крымінальную справу. Мужчына знаходзіцца ў ізалятары часовага ўтрымання.
Затрыманы не першы раз прыязджае ў Беларусь нібыта памірыцца са сваёй каханай. Супрацоўнікі міліцыі праводзяць праверку па фактах пагроз забойствам.