Домрачава і Б'ёрндален пераехалі ў Манака — нарвежскія СМІ
Нарвежскае выданне Kapital апублікавала матэрыял пад назвай «Б'ёрндален пераязджае ў Манака». У ім паведамляецца, што Б'ёрндален з Домрачавай цяпер жывуць у партовай частцы горада і падумваюць над сумесным бізнесам, паведамляе sports.ru.
Жылы комплекс у партовай частцы Манака — афіцыйнае месца пражывання легендарнага біятланіста, які завяршыў кар'еру ў 2018 годзе. Шмат гадоў нарвежац жыў у Аўстрыі.
Спачатку Б'ёрндален з жонкай арандуюць кватэру ў вялікім комплексе ў партовай частцы горада на Міжземным моры. Нягледзячы на вельмі нізкія падатковыя стаўкі ў Манака, валодаць або здымаць жыллё тут вельмі дорага. Арэнда аднапакаёвай кватэры плошчай 61 квадратны метр у тым жа будынку, дзе Б'ёрндален здымае сваю пабольш, будзе каштаваць 4,3 тысячы еўра.
— Рынак жылля ў Манака абмежаваны. Я пакуль што нічога не купіў, але шукаю варыянты. Паглядзім, ці атрымаецца, — паведаміў Б'ёрндален Kapital.