У Літве пабудавалі гіганцкую інсталяцыю з 2145 старых радыёпрыёмнікаў ФОТА
Увечары 23 жніўня на Саборнай плошчы ў Вільні гучала ва ўнісон гіганцкая інсталяцыя з 2145 старых радыёпрыёмнікаў. Рэкорд фіксавала літоўскае агенцтва Factum. Пра гэта паведамляе LRT.
Канструкцыя пад назвай «Адна хваля» з'яўляецца часткай юбілейнай праграмы, прысвечанай 30-годдзю «Балтыйскага шляху» — мірнай акцыі ў прыбалтыйскіх рэспубліках СССР. У той дзень 1989 года, два мільёны чалавек з Літвы, Латвіі і Эстоніі (гэта значыць прыкладна 25% насельніцтва трох прыбалтыйскіх рэспублік у той час) сфармавалі 650-кіламетровы жывы ланцуг ад Вільні да Таліна.
Ідэя радыёінсталяцыі распрацавана сумесна LRT і двума маладымі мастакамі. Спачатку ўстаноўка павінна была складацца з 650 старых радыёстанцый. Мастакі звярталіся да людзей па радыё і тэлебачанні з просьбай ахвяраваць старыя радыёпрыёмнікі і даставіць іх у мясцовыя паштовыя аддзяленні або ў штаб-кватэру LRT.
Пасля людзі прывезлі амаль у чатыры разы больш радыёпрыёмнікаў, чым чакалася, і ўстаноўка дасягнула памеру з 5-павярховы дом.
Усе радыёстанцыі, падключаныя і настроеныя на адну і тую ж частату, прайгравалі трохмоўную песню «The Baltics is Waking Up», якая стала гімнам Балтыйскага шляху і адной з самых папулярных песень «Спеўнай рэвалюцыі» (1987-1991) у Прыбалтыцы.
Пасля прэзентацыі на Саборнай плошчы ў Вільні інсталяцыю перанясуць у музей Парку Еўропы пад адкрытым небам непадалёк ад Вільні.