Прыватная вайсковая кампанія «кухара Пуціна» прыбыла ў Лівію
Прыватныя вайсковыя падраздзяленні з Расіі (так званая ПВК Вагнера), якія звязваюць з пецярбургскім бізнэсменам Яўгенам Прыгожыным, якога яшчэ называюць «кухарам Пуціна», прыбылі ў Лівію для дапамогі фельдмаршалу Халіфе Хафтару, піша Bloomberg.
Адзначаецца, што каля ста расійскіх наймітаў нібыта збіраюцца ваяваць на баку Хафтара. Вядома, што менавіта ў гэты ж час фельдмаршал актывізаваў свой наступ.