У Мастах рэцыдывіст так адзначаў вызваленне з калоніі, што забіў чалавека ў першы ж дзень
Фота СК
Здарэнне адбылося 24 верасня ў Мастах, паведамляе СК.
Вядома, што кампанія мужчын выпівала на адной з кватэр, а на раніцу сусед 64-гадовага гаспадара кватэры знайшоў яго цела ў двары дома.
Праз некаторы час затрымалі 52-гадовага падазраванага. Высветлілася, што 24 верасня ён толькі вызваліўся з калоніі, дзе адбываў пакаранне: за наўмыснае прычыненне лёгкага цялеснага пашкоджання, за здзяйсненне паўторна крадзяжу, рабавання. Пасля чаго адправіўся ў Масты да свайго знаёмага, з якім вырашыў «адзначыць» вызваленне.
Прычым падазраваны раней таксама быў судзімы, у тым ліку і за наўмыснае прычыненне менш цяжкіх цялесных пашкоджанняў (усяго 13 эпізодаў).