У Мінску жанчына захрасла ў балоце. Яе выпадкова пабачылі ў бінокль
Здарэнне адбылося сёння днём у раёне вуліцы Алоўнікава (у Лошыцы), бліжэй да берага Свіслачы. Нейкі мужчына ўбачыў жанчыну ў бінокль, паведамляе 112.by
Высветлілася, што 60-гадовая жанчына ішла дадому і вырашыла скараціць шлях праз балота. Калі яна зайшла ў балота на адлегласць 10 метраў ад берага, то зразумела, што не можа выбрацца.
Ратавальнікі, што выехалі на месца здарэнне, здолелі дастаць жанчыну. Медыцынская дапамога ёй не спатрэбілася.