З'явілася ВІДЭА, на якім бацька сясцёр Хачатуран здзекуецца з іх
У інтэрнэце з'явілася відэа з матэрыялаў судовай справы супраць сясцёр Хачатуран, якіх абвінавачваюць у забойстве бацькі, гэты ролік знайшлі ў тэлефоне Міхаіла Хачатурана.
На відэа бацька сясцёр знаходзіцца за кадрам. Ён абражае дзяўчат, паказваючы вялікую колькасць фанцікаў ад цукерак на стале. У роліку бачна, што сёстры стаяць у баку, адвярнуўшыся. У канцы відэа бацька ўдарыў адну з дзяўчат.
«І яны яшчэ скардзяцца, як быццам я нешта ад іх хацеў», — сказаў ён.
Адвакат сёстраў Хачатуран Аляксей Ліпцэр распавёў выданню, што абарона знаёміцца са справай. Паводле яго слоў, гэта відэа і іншыя матэрыялы пацвярджаюць словы сясцёр пра «пастаянныя прыніжэнні, збіцці, катаванні і сэксуальны гвалт з боку бацькі».