Джонсан папросіць ЕС адкласці Brexit, калі да 19 кастрычніка здзелку не ўзгодняць
Прэм'ер Вялікабрытаніі Борыс Джонсан папросіць Еўрапейскі Саюз адкласці Brexit, калі да 19 кастрычніка не будзе заключана пагадненне аб умовах выхаду, паведамляе BBC.
Дакументы былі раскрыты ў ходзе разгляду судом пазову, каб выключыць магчымасць выхаду Брытаніі са складу ЕС без здзелкі.
Змест дакументаў супярэчыць заявам Борыса Джонсана, які абяцае вывесці Брытанію з ЕС са здзелкай або без 31 кастрычніка 2019 года.
На Даўнінг-стрыт адмовіліся каментаваць судовае разбіральніцтва, падкрэсліўшы, што Вялікабрытанія пакіне ЕС 31 кастрычніка.