У Мінску пачынаюць уключаць ацяпленне ў адміністрацыйных будынках і на прадпрыемствах
У Мінску пачынаюць уключаць ацяпленне ў адміністрацыйных будынках і на прадпрыемствах. Рашэнне на гэты конт ужо ёсць, паведамілі TUT.BY у Мінгарвыканкаме.
Сёння, 7 кастрычніка, у сталіцы пачнуць уключаць ацяпленне ў грамадскіх, адміністрацыйных будынках і на прадпрыемствах.
Пры гэтым кіраўнікам тлумачаць: калі тэмпература вонкавага паветра вышэй за + 10°С, то абаграваць памяшканні трэба ў рэжыме прапальвання. А калі сярэднесутачная тэмпература вонкавага паветра стабільна павышаецца — трэба прымаць своечасовыя меры па адключэнні.