Пад Калугай у ДТЗ з мікрааўтобусам загінулі чатыры беларусы
У Калужскай вобласці сутыкнуліся грузавік і мікрааўтобус, чатыры грамадзяніны Беларусі загінулі, паведамляе РИА Новости.
ДТЗ адбылося на 202 км аўтатрасы М-3 «Украіна». Кіроўца мікрааўтобуса Mercedes Sprinter, які рухаўся з боку Бранска ў напрамку Масквы, падчас развароту сутыкнуўся з грузавым аўтамабілем, пасля чаго з'ехаў у кювет.
У выніку аварыі загінулі чатыры чалавекі, шэсць чалавек атрымалі траўмы рознай ступені цяжкасці. Усе загінуўшыя былі грамадзянамі Беларусі.