Колькасць ахвяр беспарадкаў у Іраку дасягнула 300
У Іраку больш за месяц не спыняюцца акцыі пратэсту, якія суправаджаюцца гвалтам і беспарадкамі. Яны забралі жыцці больш як 300 чалавек, яшчэ каля 15 тыс. пацярпелі, паведамляюць інфармагенцтвы са спасылкай на прадстаўніка камісіі па правах чалавека краіны.
У Іраку з пачатку мінулага месяца не спыняюцца акцыі пратэсту супраць пагаршэньня ўмоваў жыцця, росту беспрацоўя і карупцыі. Практычна паўсюдна яны суправаджаюцца гвалтам і беспарадкамі. Пратэстоўцы патрабуюць адстаўкі ўрада Адэля Абдэль Махдзі і правядзення датэрміновых выбараў у парламент.
Аднак кіраўнік урада адназначна заявіў, што яго адстаўка або роспуск заканадаўчага органа прывядуць краіну да поўнай стагнацыі і не будуць спрыяць рэформам, даўшы тым самым зразумець, што кабмін працягне працу, нягледзячы на апошнія падзеі ў краіне.