У Магілёве 14-гадовая школьніца забрала чужыя рэчы ў гардэробе
Рэчы 24-гадовага магілёўца забрала з гардэроба забаўляльнага цэнтра школьніца. Інцыдэнт адбыўся пасля таго, як малады чалавек згубіў нумарок ад гардэроба, паведамляе mogilevnews.by
— Не адразу выявіўшы прапажу, ён накіраваўся ў гардэроб, дзе высветліў, што яго рэчы ўжо забралі. Паліто і скураная сумка, у якой знаходзіліся дакументы і грошы, бясследна зніклі. Прычыненую шкоду мужчына ацаніў у 460 рублёў.
Высветлілася, што 14-гадовая школьніца ў той вечар разам з сяброўкамі была на дыскатэцы для падлеткаў. Знайшоўшы на падлозе згублены нумарок, разам са сваёй верхняй вопраткай яна забрала і чужое паліто з сумкай.
Частка выкрадзенага канфіскавана. Вырашаецца пытанне аб завядзенні крымінальнай справы за крадзеж.