У «Мінсктрансе» вывучаюць магчымасць увядзення праязных на 30 і 60 хвілін
Мінск-навіны
У «Мінсктрансе» прапрацоўваюць магчымасць увядзення кароткатэрміновых квіткоў для аплаты праезду ў гарадскім грамадскім транспарце на 30 і 60 хвілін, паведамілі «Мінск-Навінам» на прадпрыемстве.
Там адзначылі, што такія праязныя дадуць магчымасць неабмежаванай колькасці перасадак на любы від наземнага транспарту на працягу аплачанага часу. Праўда, кошт квіткоў пакуль не пралічваўся, нічога невядома на гэты момант і пра тэрміны новаўвядзенні.
Пры наяўнасці тэхнічнай магчымасці кароткатэрміновыя праязныя будуць запісвацца на карты БСК. У адваротным выпадку гэта будуць квіткі на папяровым носьбіце.
Разам з тым на прадпрыемстве падкрэслілі, што ўвядзенне праязнога дакумента на паўтары гадзіны з магчымасцю неабмежаванага колькасці перасадак, пра які паведамілі некаторыя СМІ, не плануецца.