Нічога не падпісалі: Лукашэнка і Пуцін сустрэнуцца 20 снежня
Кіраўнік Мінэканомразвіцця РФ Максім Арэшкін даў журналістам справаздачу пра сённяшнія шматгадзінныя беларуска-расійскія перамовы. Гэта заняло недзе хвіліну.
«Плённа папрацавалі па цэлым шэрагу кірункаў - па сельскай гаспадарцы, па сувязі, па мытні, па рэгуляванні нафтавага рынку дасягнулі вельмі сур'ёзнага прагрэсу, - сказаў ён. - Нават па пытанні нафты і газу пазіцыі былі вельмі сур'ёзна збліжаныя. Атрыманы ўказанні. Пачынаем прапрацоўваць. На 20 снежня ў прэзідэнтаў прызначана сустрэча ў Пецярбургу. Будзем ім дакладваць», — сказаў Арэшкін.
З гэтай заявы вынікае, што падпісанне 8 снежня ў Маскве дакументаў аб «паглыбленай інтэграцыі» адмянілася.
Інтрыга захоўваецца.