Стала вядома, колькі нафты паставіць Расія ў Беларусь у 2020 годзе
Канцэрн «Белнафтахім» пацвярджае падпісанне з Расіяй нафтавага балансу на 2020 год у аб'ёме 24 мільёны тон, паведамляе БелТА.
«Індыкатыўны баланс паставак расійскай нафты ў Беларусь падпісаны. Баланс узгоднены ў памеры 24 млн т нафты», — паведамілі ў «Белнафтахіме».
Пры гэтым у канцэрне звярнулі ўвагу, што да 15 лістапада таго года, на які вызначаецца баланс, бакі могуць унесці ў яго змяненні.