80-гадовы пенсіянер загінуў на пажары ў Расонскім раёне
У Расонскім раёне на пажары загінуў 80-гадовы мужчына.
Паведамленне аб пажары ў прыватным доме ў вёсцы Грэчушына паступіла 25 снежня ў 21.48. Дом гарэў адкрытым полымем, абрынуліся дах і перакрыцці.
Падчас тушэння агню работнікі МНС знайшлі ў пакоі труп гаспадара дома.
Прычыны пажару — парушэнне правілаў эксплуатацыі печаў, цеплагенеруючых агрэгатаў і прылад або непаладкі з электраабарудаваннем.