Замежнага студэнта папрасілі дапамагчы купіць кватэру ў Мінску, а той скраў у сябра $74 тысячы
Напрыканцы 2019 года да 21-гадовага замежнага студэнта звярнуўся яго суайчыннік, сусед па інтэрнаце, з просьбай дапамагчы набыць кватэру ў Мінску. Ён не мог гэта зрабіць самастойна, бо не ведаў мовы. Хлопец пагадзіўся дапамагчы. Напярэдадні Новага года, атрымаўшы ў банку грашовы перавод, пацярпелы паклаў у бардачок аўтамабіля знаёмага больш за $74 тысячы, паведамілі ў СК.
Далей студэнт папрасіў знаёмага выйсці з аўтамабіля (каб перанесці некаторыя рэчы ў багажнік), а сам разам з грашыма з'ехаў. Неўзабаве ён быў затрыманы супрацоўнікамі міліцыі.
Міліцыя знайшла і канфіскавала ўсе скрадзеныя грошы, большая частка якіх ($70 тысяч) знойдзеныя ў тайніку ў лесапаласе ў межах Мінска.
21-гадовага студэнта абвінавачваюць па ч.4 арт.206 КК (рабаванне, учыненае ў асабліва буйным памеры).
Ён пад вартай. Накладзены арышт на яго маёмасць.