У Расіі спартовы канал замест фіналу моладзевага чэмпіянату свету — 2020 паказаў фінал МЧС-2011. А там Расія феерычна выйграла
Учора ў фінале моладзевага чэмпіянату свету па хакеі Канада перамагла Расію з лікам 4:3. Беларусы маглі назіраць за цікавым фіналам на «Беларусь-5».
А вось некаторым расійскім заўзятарам не пашанцавала. Матч трансляваў Першы канал (там быў нармальны жывы эфір),
а вось спартовы «Матч ТВ» паказаў фінал 2011 года, які Расія выйграла. І ў сацсетках усе сталі бурна радавацца гэтай перамозе. Тыя ж, хто ведае праўду, жартуюць, што з такім поспехам можна паказваць, напрыклад, пра даляр па 30 рублёў.