У калядную раніцу ў Гомелі п'яны кіроўца насмерць збіў на пераходзе жанчыну
Здарэнне адбылося 7 студзеня каля 7.49 на вуліцы Ільіча, паведамляе абласная міліцыя.
На скрыжаванні з вуліцай Ленінградскай 26-гадовы кіроўца здзейсніў наезд на 54-гадовую жанчыну, якая перасякала праезную частку на зялёны сігнал святлафора.
У выніку наезду жанчына атрымала траўмы, несумяшчальныя з жыццём. Медыцынскі агляд паказаў у кіроўцы наяўнасць 1,6 праміле алкаголю ў крыві.