У Мінску жанчына перад наездам аўто на пераходзе паспела адштурхнуць ад сябе вазок з дзіцем ФОТА
Здарэнне адбылося ў нядзелю, паведамляе ДАІ ў сваім тэлеграм-канале.
Кіроўца «Хонды» рухаўся з боку пр. Жукава ў напрамку Бетоннага праезду і насупраць дома №67 па вул. Харкаўскай здзейсніў наезд на 29-гадовую жанчыну, якая рухалася па нерэгуляваным пешаходным пераходзе.
У жанчыны — удар мяккіх тканак нагі.
Прычым перад наездам жанчына, заўважыўшы набліжэнне аўто, адштурхнула ад сябе вазок з дзіцем. Малы не пацярпеў.