Беларускі перамаглі на ЧЕ па індор-хакеі. Упершыню беларусы выйгралі першынство па гульнявых відах спорту
Tribuna.com
Жаночая зборная Беларусі выйграла залатыя медалі чэмпіянату Еўропы па індор-хакеі (хакей на траве ў памяшканнях), які праходзіў 24—26 студзеня ў Мінску.
Беларускі выйшлі ў плэй-оф з групавога турніру, а ў паўфінале адолелі пераможцаў папярэдняга Еўра — зборную Нямеччыны — 5:2.
У фінале Беларусь перамагла каманду Нідэрландаў, якой прайграла на групавым турніры.
Прычым нашы зраўнялі лік за 15 секунд да канца асноўнага часу, а затым выйгралі ў серыі булітаў, забіўшы 12-ы буліт.
Адметна таксама наступнае. Упершыню зборная Беларусі (жанчыны ці мужчыны) выйгралі чэмпіянат Еўропы ў гульнявых відах спорту. Бяда толькі, што індор-хакей не алімпійскі від спорту.