Выйшаў новы ўказ Лукашэнкі «Аб ваеннай форме адзення» — па-беларуску
Аляксандр Лукашэнка падпісаў указ нумар 100 «Аб ваеннай форме адзення і знаках адрознення па воінскіх званнях ваеннаслужачых».
Фота Сяргея Гудзіліна
Дакумент зацвярджае пералік прадметаў ваеннай формы адзення ваеннаслужачых Узброеных Сіл, органаў пагранічнай службы і дзяржаўнай бяспекі, унутраных войскаў Міністэрства ўнутраных спраў, Службы бяспекі прэзідэнта Беларусі, Аператыўна-аналітычнага цэнтра пры прэзідэнце Беларусі і апісанне знакаў адрознення па воінскіх званнях.
Указам адменены ўстарэлыя (нязручныя для нашэння) і ўведзены новыя прадметы ваеннай формы, зменены мадэлі існуючых прадметаў адзення для пашырэння іх функцыянальнасці, забеспячэння зручнасці пры нашэнні з улікам спецыфікі задач, што выконваюцца ваеннаслужачымі.
Таксама ў дакуменце вызначаны парадак зацвярджэння апісання і правіл нашэння ваеннай формы, норм забеспячэння такімі прадметамі.