Каранавірус у жанчыны, якая працуе ў Мінскай бальніцы хуткай дапамогі. Яе шпіталізавалі ў Салігорску, яе сям'ю ізалявалі ва Уздзе
Як паведамілі «Свабодзе» мясцовыя жыхары, у жанчыны, якая працуе ў Менскай бальніцы хуткай дапамогі, станоўчы аналіз на каранавірус.
Фота: Надзея Бужан
Яе муж распавёў карэспандэнту «Радыё Свабода», што жонка цяпер знаходзіцца ў бальніцы ў Салігорску. Яго ж з дзецьмі і ўнукамі паклалі ва Уздзенскую раённую бальніцу. Жыла сям'я ў аграгарадку Возера Узденскага раёна.
«У жонкі на вірус станоўчы аналіз. Яна працуе на хуткай, а там захварэў доктар. А нас ізалявалі, узялі тэсты, але вынік пакуль невядомы. Дачка, сын, унукі, усе ў адной палаце. У доме правялі дэзынфекцыю».
Ва Уздзенскім райвыканкаме сітуацыю не пракаментавалі, накіравалі ў Міністэрства аховы здароўя.