Забарона на наведванне лясоў уведзена ў 78 раёнах
Забарона на наведванне лясоў дзейнічае ўжо ў 78 раёнах Беларусі, паведамляе Міністэрства лясной гаспадаркі.
Па стане на 9.00 14 красавіка забароны дзейнічаюць ужо ва ўсіх раёнах Гомельскай, Брэсцкай і Гродзенскай абласцей.
У Мінскай вобласці рэгіёне гэта Бярэзінскі, Крупскі, Дзяржынскі, Салігорскі, Стаўбцоўскі, Барысаўскі, Вілейскі, Валожынскі, Любанскі, Маладзечанскі, Пухавіцкі, Слуцкі, Старадарожскі, Уздзенскі і Мінскі раёны.
У Магілёўскай вобласці забарона дзейнічае ў Бабруйскім, Глускім, Горацкім, Кіраўскім, Краснапольскім, Мсціслаўскім, Слаўгарадскім, Чэрыкаўскім і Магілёўскім раёнах.
У Віцебскай вобласці забаронаў няма.
Прычына ўвядзення часовых забарон — высокі клас пажарнай небяспекі.