Сэрвіс для анлайн-дыягностыкі сімптомаў каранавіруса стварылі ў Беларусі
Рэзідэнт Парку высокіх тэхналогій кампанія Grin IT запусціла анлайн-сэрвіс sensmd.com для вызначэння групы рызыкі карыстальніка і імавернасці яго заражэння COVID-19.
Sens MD — гэта бясплатны інструмент, які дазваляе рэгулярна ў дамашніх умовах праводзіць анлайн-дыягностыку сімптомаў каранавіруса, а таксама атрымліваць рэкамендацыі па далейшых дзеяннях.
Гэта першы лакалізаваны ў Беларусі і створаны разам з медыцынскімі спецыялістамі сэрвіс. У адрозненне ад існуючых у свеце трэкераў, праграма распрацавана для рэгулярнага выкарыстання з магчымасцю адсочваць развіццё сімптомаў ў часе.
Мэта праекта, па словах яго сузаснавальніка Мікіты Каешкі, — знізіць нагрузку на сістэму аховы здароўя з-за вялікай колькасці зваротаў пацыентаў і прапанаваць зручны інструмент, які дапаможа людзям па палічках раскласці сімптомы.