Брэсцкае «Дынама» і БАТЭ згуляюць у фінале Кубка Беларусі па футболе
Футбалісты барысаўскага БАТЭ прабіліся ў фінал розыгрышу Кубка Беларусі, адолеўшы па суме дзвюх сустрэч мазырскую «Славію».
Пасля паразы ў Мазыры ў першым паўфінальным матчы з лікам 0:1 сёння падапечныя Кірылы Альшэўскага на полі «Барысаў-Арэны» ўзялі рэванш — 2:0.
Першымі фіналістамі кубкавага розыгрышу сталі футбалісты брэсцкага «Дынама», якія па суме дзвюх паўфінальных гульняў перамаглі салігорскі «Шахцёр». У Брэсце дынамаўцы перамаглі з вынікам 2:0, а сёння ў Салігорску саступілі 2:4.